تجرباتی طور پر ہم اس غزل کو یونیکوڈ فونٹ میں پیش کر رہے ہیں۔ اگر پڑھنے میں دشواری ہو تو اس کو دوبارہ نستعلیق میں لکھا جا سکتا ہے۔ ۔ بتاریخ ۷/ میٔ : اس وقت تک کوی دشواری نہیں ہویٔ ہے۔ انشاء اللہ ہم یونیکوڈ کا مزید استعمال جاری رکھینگے۔ غزل    شاہین   چہروں میں نظر آئیں آنکھوں میں اتر جائیں ہم تجھ سے جدا ہو کر ہر سمت بکھر جائیں                              دن بھر کی مشقت سے تھک ہار کے گھر جائیں                              اور  اپنی  ہی  دستک  کی آواز  سے  ڈر جائیں اچھا ہے کہ ہم اپنے ہونے سے مکر جائیں یا اپنی خبر دے کر چپکے سے گزر جائیں جس شہر  بھی  ہم  جیسے  برباد  نظر  جائیں اوراق  مصور  کے  تصویر سے  بھر  جائیں اڑتے ہوئے پتوں نے موسم کی خبر دی ہے ہم پھر سے سنورنے کو اک بار بکھر جائیں                              پھولوں کی قبا پہنیں خوابوں کی دھنک اوڑھیں                              ہم  قریہء  جاناں  میں  کیوں  خاک  بسر جائیں

غزل  شاہین ( آٹوا)   بدن کے روپ کا اعجاز انگ انگ تھی وہ مرے لیے تو مری  روح کی ترنگ تھی وہ                         گلوں  کے  نام  کھلی  پیٹھ   پر  مری   لکھ  کر                         خزاں کے پھیلتے لمحوں سے محو جنگ تھی وہ سیہ گھٹاؤں سے  کرنیں  تراش لیتی تھی مری حیات کی اک جاگتی امنگ  تھی  وہ                         وہ    زخم   خوردہء   حالات   خود   رہی   لیکن                         تمام  نکہت   و  نغمہ،  تمام  رنگ  تھی  وہ نہ جانے کتنے تھے شاہیں اس کے متوالے اگرچہ شاخ پہ الجھی ہوءی پتنگ تھی  وہ